Janvi Jindal-i’n freestyle skating record siam

Janvi Jindal-i’n freestyle skating record siam
Chandigarh tleirawl kum 17 mi, Janvi Jindal chuan freestyle skating-ah Guinness World Record panga a siam. Janvi hi professional coach hnuaia zir pawh ni lo, YouTube a skating video a en aTanga inzir ve mai a nih avangte hian a record siam hi a hlu bik riau nghe nghe a ni.
Janvi hian inline skate-ah second 30 chhunga 360-degree rotation tih hnem ber record siamin, vawi 27 a vir hman a, skate pahnih hmanga slalom rang ber (20 cones) record siamin,second 8.85 chhungin a tizo hman (skate ke hniha bun chunga cone an tlar inkarah tleng kual), minute khat chhunga one-wheeled 360-degree spin tihnem ber record siamin, vawi 70 a tihman a, Tum khata one-wheeled 360-degree spin tihnem thei ber record siamin, vawi 22 a vir thei bawk.
Janvi hi a pa nen online skating video te en a inzir chawp ve mai a ni a, vantlang kawngpui, Sector 22-ah a pa hnathawk bang nen an inzir dun ngat ngat Thin a, Guinness World Records bakah India Book of Records-ah pawh a hming a chuang tawh a, skating paha Bhangra perform thei naupang ber a nih bakah Khardung La Pass-a wheelie spin tihnem thei ber a ni bawk.