Japan-a caregiver ni duhte hrilh

Japan-a caregiver ni
duhte hrilh
Labour Employment Skill Development & Entrepreneurship (LESDE) Department leh National Skill Development Corporation International tangdun chuan Japan rama ‘caregiver’ hna thawk duhte tana inhrilhhriatna chu Nilaini khan Aizawlah an buatsaih.
Sompo Care Inc Japan atangin New Business Development in Asia Pacific manager Jin Enamoto leh Global Strategy senior leader Kazunari Honda ten an rawn hmanpui a. An company chungchang leh India rama thalai tam takin Japan-a eizawnna an neih theihna atana caregiver hnaruak an neih dan leh an thawh theih dan tur, an nitin hnathawh dan leh an hamthatna hrang hrang awm theite an hrilh.
NSDCI atangin manager Sunny Kumar chuan interview leh admission tih dan a sawi a. Japanese tawng zir chhung leh senso ngai, exam awm thei chi hrang hrang leh hriat tur pawimawh, skill loan awm theite a sawi a. Zawhna awmte an chhang bawk.
LESDE director Angela Zothanpuii chuan an department hmalakna in nurse 16 chu Japan-ah an thawk mek a. Tunah hian hnathawh tum Japanese tawng zir mek 40 chuang an awm tih a sawi. Thalaiten hma kan sawn theihna turte, Japan atanga kan entawn tur tha te entawna hma kan sawn zel theihna tur kawng hrang hrang a sawi bawk.
B.Sc Nursing, GNM, ANM, GDA leh geriatric caregiver course zirzo tawh leh zir mek thalai 50 velin an chhim a ni.