Jeep Compass, Meridian Club Edition India-ah tlangzarh

Jeep India chuan an Jeep Compass leh Jeep Meridian SUV te chu Club Edition India-ah an tlangzarh ve leh ta a, Jeep Compass Club Edition hi showroom-ah Rs 20,99,000 man atangin a intan a, Jeep Meridian Club Edition chu Rs 27,75,000 atangin a intan ve thung. Club Edition model hi a standard aiin a cheina pawh an tidanglam deuh a, a tailgate-ah ‘Club Edition’ badge pawh langsar takin a nei vang a ni. Heng SUV chi hnih te hi February ni 28 atangin an hralh chhuak tan ang.
Jeep Compass Club Edition hian LED DRLs, LED fog lamps, 17-inch alloy wheels neiin, Android Auto leh Apple CarPlay a support a, 8.4-inch touchscreen leh speaker pali a nei bawk. Jeep Meridian Club Edition pawhin LED projector headlamp leh DRLs neiin, 18-inch alloy wheels a nei a, leather wrapped steering wheel, auto-dimming IRVM, Android Auto leh Appla CarPlay a support bawkah 10.1-inch touchscreen a nei a, speaker pakua a nei bawk.
A mechanical-ah chuan Jeep Compass leh Meridian Club Edition te hi 1.4-litre turbo-petrol engine hmang leh 2.0-litre diesel engine a awm a, turbo petrol engine hi 161 bhp @ 5,500 rpm leh 250Nm torque @ 1750-4,000 rpm pechhuak thei a ni a, turbo diesel engine hi 168 bhp @ 3750 – 3800 rpm leh 350Nm torque @ 1750 – 2500 rpm pechhuak thei a ni ve thung. Jeep Compass Club Edition hi front wheel drive hiin, 7-speed DCT gearbox a nei a, Meridian Club Eition pawh front wheel drive tho niin, 6-speed manual transmission a ni ve thung.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More