BTS member Jimin solo album ‘MUSE’ chu nimin khan an tlangzarh ta a, he album hi hla pasarih awmna niin, Loco leh Sofia Carson a thawhpuina hla te pawh a tel. Jimin hian rimawi lama a la dai vak loh style thar a rawn enchhin a, a music leh hla kalphung te pawh a danglam deuh. Jimin hian 2023 khan solo album ‘FACE’ a tlangzarh tawh bawk a, he album hi Billboard 200 (albums) chart-ah No.2 a kai nghe nghe a ni.
Jimin ian ‘MUSE’ album chungchang hi June thla khan a lo sawi chhuak zauh tawh a, rimawi huanga a dai chin ram zauh a tum thu pawh a puang tel a nih kha. Jimin hian 2018 khan a debut solo single ‘Promise’ a tichhuak a, kum nga hnua chuan a hla ‘Like Crazy’ avangin South Korean soloist zinga Billboard Hot 100 (singles) chart-a No.1 kai thei hmasa ber record a siam ta a ni.
Jimin hian South Korean military a zawm chhungin fans tan project hrang hrang a nei nual a, MUSE pawh hi chung zinga pakhat chu a ni. A sipai tan chhunga fans an khawhar lutuk loh nan a khat tawka eng eng emaw tihchhuah tur a nei thei deuh reng a, tuna hian project dang, BTS-a a bandmate Jung Kook nana an travel docu-series pawh tihchhuah mai turin an peih tawh a, he docu-series-ah hian South Korea, US leh Japan-a an zinna leh an thil tawn hrang hrang an tarlang dawn a ni.
Jimin album ‘MUSE’ an tlangzarh ta
Get real time updates directly on you device, subscribe now.
Next Post