Jimin ‘Who’ a la lar ber

Jimin hla hit ‘Who’ chu Billboard Global 200 chart-ah a No.1 a, he chart-a a zawna kar hnih a No.1-na a ni ta. Jimin hi Jung Kook tih lohah chuan BTS member pasarih zinga solo artist anga he chart-a No.1 thei awm chhun a la ni. BTS hi a group ang chuan group zinga he chart-a No.1 kai thei hla ngah ber a la ni. Hetihrual hian Karol G leh Chappell Roan te pawh Top 10-ah an lang e.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only streams (subscription leh ad-supported audio leh video music services) leh download sales te chu tehna pawimawh a ni. Jimin ‘Who’ hian kar khat chhungin stream maktaduai 93.4 leh sales 64,000 a la nei thei a, hei hi chart-ah a No.1 pui leh ta a ni.
Billie Eilish ‘Birds of a Feather’ chu No.3 atangin No.2-ah a insawn a, chart No.1 hlui Sabrina Carpenter ‘Espresso’ chu No.2 atangin No.3-ah a tawlh a, Shaboozey ‘A Bar Song (Tipsy)’ chu No.4-ah bawk awm lehin, chart No.1 hlui Kendrick Lamar ‘Not Like Us’ pawh No.5-ah bawk a la awm.
Karol G hla thar ‘Si Antes Te Hubiera Conocido’-in stream maktaduai 68.8 leh sales 2,000 neiin, No.12 atangin No.9 a kai thar a, Karol G hla he chart top 10-a lang thei parukna a ni.
Chappell Roan hla thar ‘Good Luck, Babe!’ pawhin stream maktaduai 49.2 leh sales 5,000 neiin, No.11 atangin No.10 a kai a, he chart-a a hla top 10 kai thei hmasa ber a ni.
Billboard Global 200 Top 10:
1 Who – Jimin
2 Birds Of A Feather – Billie Eilish
3 Espresso – Sabrina Carpenter
4 A Bar Song (Tipsy) – Shaboozey
5 Not Like Us – Kendrick Lamar
6 Please Please Please – Sabrina Carpenter
7 I Had Some Help – Post Malone Featuring Morgan Wallen
8 Beautiful Things – Benson Boone
9 Si Antes Te Hubiera Conocido – Karol G
10 Good Luck, Babe! – Chappell Roan