Jin concert cinema hall atangin en theih dawn

BTS member Jin solo tour vawi khatna chu a khar dawn hnai ta a, August thlaah Amsterdam-ah show a nei dawn a, hei hi a tour khar hmaa a show hnuhnung a ni tawh dawn a, a hmuna chhim thei lo tan pawh khawvel hmun hrang hranga fans tan cinema hall lamah he concert hi a lo tawiawm theih dawn a ni.
August ni 9 hian Ziggo Dome-ah a concert dawn a, a fans, Netherlands lama kal ve thei lo te tan pawh a performance hi live-a an lo thlir theih nan cinema hall hrang hrangah tihchhuah a ni dawn a, a website atangin cinema hall ticket pawh an hralh chhuak tan tawh.
Jin hian ‘RUNSEOKJIN_EP.TOUR’ a neih mek chu Ziggo Dome, Amsterdam-ah hian zan hnih show neiin a khar tawh dawn a, a zan hmasa zawk hi cinema hall atangin a chhim thei dawn a ni. He tour hi a solo album pahnihna ‘Echo’ support nana a tih a ni pakhat a, a album hi May thla khan tlangzarhin, Billboard 200 (US albums chart)-ah pawh No.3 a kai thei nghe nghe a ni.
A solo tour tawp hnuah Jin hian a bandmate RM, SUGA, J-Hope, Jimin, V leh Jung Kook te zawmin, BTS member te sipai atangin an chhuak kim tawh bawk a, 2026-ah reunion pui tham taka neih tumin an inbuatsaih leh mup mup tawh a ni.