J&K ah hel pawlin hna- thawktu pahnih tihlum

J&K ah hel pawlin hna- thawktu pahnih tihlum
Pathianni khan Jammu & Kashmir-a Ganderbal-ah firfiakte beihna avangin company pakhatin hnathawka a rawih mi pahnih an thi.
PTI report-in a tarlan danin, firfiakte hian Ganderbal district-a Gund area-a tunnel siam tura thawk private company-a hnathawkte awmna camp hi an kap a ni.
Hnathawktu pahnih chu a hmunah an thi nghal a, midang pahnih chuan hliam na tak an tuar niin official-te chuan an sawi. Police leh sipaite chuan pawikhawihna thlentute hi zawn chhuah tumin hma an la nghal a, an inkah chhunzawm bawk.
Jammu & Kashmir chief minister Omar Abdullah chuan, ‘Thu lungchhiatthlak a ni. Nunna chante hian he lai bial chhunga infrastructure project pawimawh tak an thawk mek a ni a, ralthuam nei lote beitu misualte thiltih dan hi na takin ka sawisel a, mi dawihzep thawmhnaw dik tak a ni,’ a ti a. An hmangaih tak tak chantu an chhungte chu a tawrhpui thu a sawi bawk.