J&K chief minister tur Omar Abdullah?

Jammu & Kashmir a an tualchhung party lian National Conference (NC) hotu lu Farooq Abdullah chuan nimin khan an chief minister thar tur chu Omar Abdullah a nih tur thu a sawi.
J&K state inthlan result hi ramchhung state dang result chhiar rualin nimin khan chhiar a ni a, he thu buatsaih lai thleng hian INC leh NC thawkdun hi dinhmun duhawm takah dingin, NC chief phei hi chuan an CM thar tur hming thlengin a lam ri nghal tawh a ni.
NC hotu lu Farooq chuan, Mipuiin rin ngamin, min thlang tling a, kan intiamna leh thutlukna engkim kha tihdanglam a ni lovang, kan lo sawi tawh ang ngeiin Omar chu CM thar a ni ang, a ti nghal hmiah bawk.
Nationa Conference (NC) vice president Omar Abdullah hian a khingpui PDP candidate Aga Syed Muntazir Mehdi chu vote 16,000 chuangin a hneh a ni.
J&K ah hian Congress (INC) leh National Conference (NC) te hi tang dunin, BJP an mal beih a ni ber a. Tlema a constituency hnuaihnung deuha People’s Democratic Party (PDP) in candidate an nei ve bawk.
He thu buatsaih lai thleng hian INC leh NC thawkdun hi sorkar na siam turin an dinhmun a tha hle tawh a, Congress lam hian seat 6 an la va mek rih a ni.