Tun hnai khan Zohmun khawtlang chuan an khaw chhunga ruihhlo Heroin zuar mi pakhat an man a. Khawtlangin dan a siam ang chuan man a nih atanga darkar 24 chhungin Rs 5000 a chawi tur a ni, tih a ni a. Hei bakah hian a Job Card an delete sak bawk a.
Ruihhlo heng Heroin, Meth, Zu etc zawrh hi danin a khap, zawrh phal loh a ni a. Danin a khap thil lo ti luia dan bawhchhiate chu, dan an bawhchhiat dungzuiin Court of Law chuan an chungthu a rel a, a hrem thin a ni.
Mizoramah hian khawtlang hian dan hi kan zam ve fir fer a, khawtlang inkaihhruaina dan hi sawrkar pawhin a ngai pawimawh a, a zahsak thin. Ruihhlo kaihhnawih chungchanga khawtlang dan siam chu a enga pawh ni se, khawtlang himna tur thila tih a nih chuan ‘a tha e’ kan intihsak zel thei awm e.
Hetih lai hian, Zohmun khawtlangin Job Card chungchanga hma an lak dan hi chu, en fel deuh a tul awm mange a tih theih awm e. A chhan chu, Job Card hi sawrkar dan pakhat MGNREGA (Mahatma Gandhi National Rural Employment Guarantee Act) scheme a ni a, he dan hian thingtlang khuaa chhungkaw tin eizawnna (right to work and earn a living) a siamsak a, chu chu Ni za inhlawhna kan tih hi a ni.
Ruihhlo zuartu hi dan bawhchhia a ni a, dan a bawhchhiat dan azirin hremna pek theih a ni a. Tin, khawtlangin dan an lo nei ve a nih pawhin, chu chu a chungah a tla mai tur a ni. Chutih rualin, thil sual ti ve lo, dan bawhchhe ve lo chhungkaw member dangte hrek zawnga ‘job card delete’ tih vel hi chu, ‘khawtlang dan’ atana hman tur chi niin a lang lova, mahni kuang lo nawr, society thuneihna piah lam, a nihna takah chuan sawrkar dan tihbawrhbanna chi khat te pawh a ni thei hial awm e.
Job card delete hi….
Get real time updates directly on you device, subscribe now.
Next Post