U.S. President Joe Biden chuan Chinese President Xi Jinping chu dictator tiin a ko va, hei mai bakah hian US ram chhunga Chinese balloon kahthlak a nih avangin Xi chu a zak hle tiin a sawi bawk.
He thu hi Biden hian California a fundraiser neihnaa a sawi niin chutihlai chuan Secretary of State Antony Blinken thung chuan ram pahnih inlaichinna siamthat tuma China a tlawh mek lai a ni thung.
“Xi Jinping-an an balloon spy bungrua a khat tlat ka kahthlaka a barakhaihna chhan ber chu balloon kha US ram chhungah a awm tih pawh a hre lo kha a ni” tiin Biden chuan a sawi.
“Chu chu dictator tan chuan zahthlak chungchuang a ni a. Eng nge thil thleng a hre reng reng lo” tiin a sawi bawk. February thla khan Chinese spy balloon nia rinhlelh chuan US airpace a lut a, US sipai te chuan tuipui chunga a awm laiin an kapthla zui a ni.
Hetihlai hian Thawhtanni khan Antony Blinken leh Xi Jinping te chuan inhmuhna neiin inlaichinna siamthat ni se an ti a, mahse, engmah inremna siam emaw an nei thei lo thung a. Mahse, inbiak pawhna nasa zawk neih chhunzawm zel ni se an ti thung.
Biden pawhin ram pahnih inlaichinna chuan kawng dik a zawh mek ti tho bawkin Blinken zin chuan rahtha a chhuah a ni a ti bawk.
Biden chuan Xi Jinping chuan Quad strategic security group te Japan, Australia, India leh United States te telna chu a ngaimawh tiin a sawi bawk a. US president chuan a hma pawhin Xi hnenah US chuan Quad hmanga China chu hual a tum lo tia a hrilh tawh thu a sawi bawk.
Joe Biden an ‘dictator’ tiin Xi Jiping sawi
Get real time updates directly on you device, subscribe now.
Prev Post