Joint NGO leh all party ngenna ECI ah thehlut

Central YMA huaihawta tlawmngai pawlte leh political party hrang hrang aiawhte chuan Election Commission of India (ECI) a Mizoram inthlan vote chhiar hun sawn tura ngenna lehkha thehluh nise, an tih angin Ningani khan ECI-ah an thawn a. A lehkha copy hi chief electoral officer Mizoram hnenah pek a ni bawk. ECI-in Mizoram State Legislative Assembly inthlan vote chhiar hun atana a ruat December 3 chu Pathianni a nih avangin a hun sawn tur leh Pathianni leh Inrinni ni lo, nidang ruat tura ngenna lehkha hi chief election commissioner hnenah thawn a ni a. Lehkha ah hian Mizorama political party hrang hrang – AAP, BJP, MNF, MPCC, PC, ZNP, ZPM leh NGO – CYMA, MUP, MHIP, MSU, MZP president theuh ten hming an ziahhnan a ni.