July 23-ah Union Budget pharh dawn

Union Budget 2024-25 chu July 23 ah pharh a nih tur thu Union Minister Kiren Rijiju chuan a sawi.
Union Budget pharh hma ni July 22 ah Annual Economic Survey chu Chief Economic Advisor Anantha Nageswaran chuan a pharh thung dawn a ni.
Parliamentary business hmanhmawhthlak a nih angin President chuan July 22 a\anga August 12 chungin Budget Session neih a remti tiin Minister for Parliamentary Affairs chuan a sawi bawk.
Tun hi Modi 3.0 sorkar in budget an pharh hmasak ber tur a ni a. Kumin kumtir lam khan inthlan hma in Finance Minister chuan budget thar chuan ‘Amrit Kal’ vision a thlurbign ang a lo ti tawh a. Union government leh minister te chuan tuna India khawvel economy lian ber pangana a nihna a\anga pathumnaa hlankai chu thupui berah an neih thu an sawi a ni.
Budget pharh leh a nih chuan Sitharaman in a zawn zata budget \um sarih a pharhna tur a ni dawn a, budget pharh tam pawl zingah a tel der tawh a. India Prime Minister hlui Morarji Desai kha budget pharh hnem ber niin \um 10 a pharh a, a budget pharh hmasak paruk chu kum 1959-1963 inkar chhungah niin a dang pali te chu kum 1967-1969 chhungin a ni thung.