July 25 ‘Samvidhaan Hayta Diwas‘ day

Government of India chuan kum tinin 25 June chu ‘Samvidhaan Hatya Diwas’ day-ah a hmang dawn. He ni hi kum 1975 Emergency tihtawp a nih theih nana tha thawhtute zawng zawng hriatreng nan hman a ni ang tiin Home Minister Amit Shah chuan July 12 khan a sawi.
Shah chuan “Sorkar thutlukna siam hi khatih laia mipui rap bet sorkar in tihduhdahna a kalpui kara democracy humhim a nih theih nana tha thawhtu tam takte spirit zahna lantir nana a tih a ni,” tiin a sawi a.
“Samvidhaan Hatya Diwas hian mimal zalenna leh kan democracy humhim nana meichher alhtir a nih reng theih nan leh dictatorial forces Congress ten khatiang ang an tih nawn tawh loh nana tih a ni,” tiin a sawi.
Zirtawpni khan Union Home Ministry chuan gazette notification an chhuahah June 25, 1975 khan Emergency puan a ni a, chumi hnu atangin ‘khatih laia sorkar khan thuneihna hmang sualin India mipuite chuan tihduhdahna an tuar a ni’ tiin a sawi a. India mipuite chuan Constitution-ah rinna nghatin democracy thiltihtheihnaah rinna an nghat tlat a ni a ti bawk.