Jung Kook ‘I Am Still’ Sept. 18-ah premiere dawn

BTS member Jung Kook solo documentary ‘Jung Kook: I Am Still’ chu September ni 18-ah an tlangzarh dawn ta a, ram hrang hrang 120 chuangah cinema hall-ah tihchhuah a ni dawn a, cinema hall ticket te hi August ni 21 atangin an hralh chhuak tan ang.
Jung Kook hian nikum November thlaa Suchwita (YouTube talk show, BTS member SUGA host) episode-a khan a solo documentary chungchang hi a sawi chhuak zauh tawh a, he documentary-ah hian solo artist anga a chetvelna te tarlan a ni dawn a, a single ‘Seven’ (featuring Latto) atang a solo album ‘Golden’ zinkawng te pawh tarlan a ni ang.
‘Seven’ hi Billboard Hot 100 (singles) chart-ah July 2023 khan No.1 a kai a, thla thum hnua a tlangzarh, he hla awmna ‘Golden’ chu Billboard 200 (albums) chart-ah No.2 a kai leh bawk.
He documentary-ah hian a mimal nun leh chetvelna, a hnathawh dan te, khawvel huap milar a nih avanga a paltlang ngai thil chi hrang hrang te tarlan a ni dawn a, footage la tihchhuah ngai loh leh interview bakah a concert performance te pawh an dah tel dawn a ni.