Jung Kook music video thar ‘Hate You’

BTS member Jung Kook chuan a hla ‘Hate You’ music video chu Inrinni kalta khan a tichhuak a, he video hi black and white a intanin, Jung Kook chu hmangaihna vanduai avanga rilru nat hmel takin a inlan a, a hnuah colour-ah inletin, animation-in a tawp ta a ni.
Hate You hi pop ballad niin, piano hmanga rem, hmangaihna vanduai avanga rilru natna hla a ni a, Jung Kook vocals pawh ngaihthlak a nuam ngang mai. A hla hi Jung Kook solo album hmasa ber ‘Golden’ ami kha a ni a, a album hi thla kalta khan Billboard 200 (albums) chart No.2-ah a debut thei nghe nghe a, a hla hi Shawn Mendes nena an phuah dun a ni.
Jung Kook hi South Korean sipaia inziak lut turin a inpuahchah mek a, tun thla chhunga sipaia lut tur hi a ni tawh a, hei hi a sipai tan hmaa a video hnuhnung ber te pawh a ni tawhin a rinawm.