Junior boys football thiam ber Champhai

PMJVK Inter District Junior Boys Football Championship 2023-24 chu nimin khan khelh zawh niin, final match penalty petah Champhai District Football Association chuan 5-4-in Kolasib Distric Football Association an hneh a, Mizorama junior boys football thiam ber an ni.
RG Stadium, Mualpuia final inkhelah hian team pahnih an inhnehtawk a, hun pangngaiah goal khat ve ve thunin, penalty shootout-ah Champhai an vannei ta zawk a ni.
Nimin tlaia final match-ah hian Kolasib DFA tan hun pangngaiah Brett VL Malsawmhlua’n goal a khung a, Champhai DFA tan Joel Zorintluanga’n a tilut ve bawk a, he goal hnih bak a luhbelh theih loh avangin penalty pet hmanga \helh an ngai zui ta a ni.
Tun\um tournament-a best player atanga Champhai player Zoramdinthara thlan niin, top scorer pawh Champhai DFA player tho Lalrammawipuia a ni a; fair play award dawngtu chu Serchhip DFA an ni thung.