Italian Serie A club lian Juventus chuan player thar an nei a, Aston Villa midfielder Douglas Luiz. chu £42.35m sengin an la lut.
Juventus player thar Luiz hian kum 2029 khan Manchester City atangin Aston Villa a zawm. Villa tan hian inelna hrang hrangah vawi 204 a khel a, goal 22 a thun tawh. Season liam ta khan EPL-ah Villa hi an chetha viau a, palina an ni phak hial. Champions league an khelh phak theiha turin Luiz hian a thawhhlawk viau a, season liam ta khan EPL-ah vawi 35 khelin, goal 9 a thun. West Ham tan a chet that vangin club lian zawk ten an ngaihven hlawm hle a, lak tuma bei ngawrh tak Juventus in an la lut ta a ni.
Luiz hi Brazil tan Copa America khelin USA-ah a fehchhuak mek a, Brazil tan hian vawi 15 a khel tawh. Copa America an khelh zawh hunah a club thar Juventus a pan ang.
EPL-ah sum leh pai inkhuahkhirhna khawng leh khauh tak vangin Aston Villa hian player tha hralh then an mamawh a, an player pawimawh tak Douglas Luiz hi an hralh hmasak zingah a tel. Luiz bakah hian Tim Iroegbunam (Everton) leh Omari Kellyman (Chelsea) te an lo hralh fel tawh bawk.
Juventus in Luiz an la lut
Get real time updates directly on you device, subscribe now.
Prev Post
Next Post