Ka message thenkhat Plus

Air India Express Rs 75,000
chawitir thu

Lallunghnema
Charity Lodge
Cont: 9862288182

Chibai ule.
Tun tum chu Consumer WhatsApp Group-a ka thu khaw châng thenkhat  ka han tarlang dawn a. Mipui rawng kan bawl hona kawnga tangkaina  tlêm tê tal a neih ka beisei a ni.  
Tin, Consumer Huang  chhuak hnuhnung berah khan Bank pawisa chawitir thu ka  ziak a. Ka ziah chhan leh ka duh ber chu Bank dawrtute hi Consumer an ni a. Dikna leh chanvo hi Bank dawrtute hian an nei nasa hle a. Consumer-te hi lo namnûl mai mai tur an ni lo; an fing emaw fing lo emaw eng ang mi pawh ni se, ang khat (equal status) renga en tûr an ni. Consumer an ni a, chanvo ropui tak an nei a ni. Consumer Protection Act 2019-ah chiang takin Consumer-te hian Right zahawm tak an nei a ni, tih tarlan a ni. Bank-te hi anmahni dawrtu customer-te (consumer tihna tho-llh) kutah an innghat a. Anmahni dawrtute tel lo chuan sera mû an thûr lova, customer-te chu an lalte  an ni. Anmahni dawrtute an tlêm chuan, an hmabâk chu, ‘chhiat rupna,’ a ni mai! Customer-te tel lo chuan hlawhchham chu an hmabâk a ni. Customer neih tam chu  an innghahna a ni. Bank hlawhtling chu customer nei tam an ni zel. Chuvangin, an customer-te laka that chhuah chu an bat a ni. 
 April ni 14: Sumdawng leh dawrkai zînga chapo leh duhâm- ten an ei chhiat lai che khan engah nge i harh chhuah loh? Engah nge i ngawih reng thin le? Kristian i ni lo em ni? Dikna leh Rinawmna ngaisang mi i ni lo em ni? LAL i ni asin!Nang i ngawih reng chuan,Sual i haw lo tihna a ni ang a.A hming maia Kristian i ni tihna a ni ang.
April 23: Tukin, Hlim tak a, ka zing tho chu, ka tih thin angin thui ang reng tak step zawhin ka chhuak a. tawngtai inkhawmnaah ka kal ve a. Chumi hnuah  chuan ka thiante nèn thingpui dawrah kan chawl a. Thingpui leh a hmeh min lo chhawp a. An chhang a thianghlim a, An thingpui pawh a tui khawp mai. Tho tlâ hmuh tur a vâng viau bawk. Chumi hnûah  chuan,  Chu thingpui dawr chhak lawkah chuan, Thlai thar lâm tha tak tak leh Thei ‘ilo’ kan lei a. An  thil bûk a dik a, An ‘Thlai’  zawrh te chu a thar tha a, a thianghlim bawk.
Chumi hnuah chuan, Damdawi Dawr pakhat customer  nei tha takah kan lût a. An damdawite chu MRP aia sangin an hralh chhuak ngai lova, Pawisa nawi laklawhah chuan an hralh chhuahna man an tih hniamsak mai bawk. An entawntlâk hle. Hengho hi, Consumer-te tan pangpar mawi tak an ni chiang e.
May 3: Saikhama kâwnah sâwn MRP aia sânga thil hralh ngai lo dawr pakhat ka hriat a awm. Dawr nghâktu Pa pawh Thlâ ka lâkpui hial!
May 29: Chhuan tur nei lo ang maia reithei, mahni mamawh pawh lei tha ngam lo, dawrkai sumdawng tena an lo biak that duh loh, an lo chapo khum hi ni tin sâng tam tak an awm mêk! Anniho chhan chhuak tur hian, i kê pen chhuak  rawh le!
 May 30 : Chibai u le.Kawnsumar reng a va har duh ve! Sum leh pai kan um nasa lutuk hi chhiatna bul a ni tih hi i hre nawn leh ang u. Thil lei leh hman thúah pawh, hisàp neih rân a ngai. Dawrkai leh sumdâwng kan ni emaw, sum  hi duh lutuk lo ila, duham hi bansan ila, chhungkaw sum lak luh mil zela khawsak hi hlimna a ni tih theihnghilh suh. Nunna hi a hlu ber mai. Hriselna hi a pawimawh. Hlimna neih theihna a ni. 
June 3: Thil man sâng lutuk hian, tute tan mah awlsamna a thlen lo. ‘Bungraw lei tawh, thleng theih loh’ tih hi khawi dan mah a awm lo. Mi duhâmho duhthusam mai a ni!
 June 6:  Bûk tling ngei hi kan  lei tûr a ni. Sawi a tha, a tha ber chu huaisen taka bawhzui a ni. 
June 13: Keini zawng kan à a, kan fing lova. Hna erawh kan thawk a ni. Hmà pawh kan la zêl ang a, harsatna nei consumer-te chu kan theih tâwpin kan pui zel ang. Kan zirtir ang a, kan kawh hmuh nghal ang. Thil leitu, a thil lei a lungawi lo thleng leh duh, thleng leh thei si lo, pawisa sêng thlawn, he Zoram tlabal takah hian eng zat tak awm ang maw?  tiin ka ngaihtuah fo thin. Hengho hi ka lainat a, ka khawngaih a, tih ngaihna erawh ka hre si lo!  Mahse, Consumer Protection Act 2019 a awm tih ka lo hriatin an tàna zalenna dar vaw turin phûr takin ka ke ka pen chhuak thei ta a ni.
 June 15: Consumer Right thu hi tawna hriat a, hman tangkai chi a ni. Thil dang kan sawi peih leh rilru kan sen peih ang hian helam thu hi i sawi teh ang u. “
June 19:  Ni tin hian harsatna ka tawk a ni. Thil lei, thleng leh thei lote hian pawisa tam tak an hloh reng a ni. 
June 21: I vei tur chu party politics ni lovin consumer politics a ni zawk e.    
 June 23:  Dawrkai, Sumdawngte tlâkchham lian ber chu ‘mipui rawngbawlna rilru leh thinlung” a ni. Thil hralh leh Service hralh apianga hlep teuh teuh an tum thin a. Hlep leh hloh hi an chanpual a nih reng an hre lova. Hlep an thiam a, hloh an thiam lo! MRP aia hniam a thil hralh chu,  Hlohnaah an ngai hmiah mai thin.
June 26: Mi tam takin an thil leia lungawi lo thawi dam hi an tih tur tih an hre duh lo. Hei hi an mawhphurhna a ni,tih reng an hre lo!  An hre duh lo. An ni tin nun kawng pawh a chhuk chho va, a bum boh bawk. Mahni hmasialna rah chu!
Tin, heti hi a ni a, The Hindu.https://.www.the hindu.com-in a tarlan danin  South Indian nula Fida chu Dubai zin tûr a ni a. A Air ticket chu Air India atangin Air India Express-ah sawnsak (transfered) a ni a. He thil avâng hian Karipur Airport-ah buaina namen lo a tâwk a. Darkar engemaw zah chhung ei in pakhat mah pek a  nih loh bâkah chawlh hahdamna ruahman sak a ni lova; Departure Time nghâkin an inah vawi hnih lai a haw phah nghe nghe a ni. Chuvângin a lungawi loh avangin Mallapuram Dist.Consumer Disputes Redressal Commision hnênah complaint a theh lut ta a.
Dist.Conmission chuan he Air India leh Air India  Express -te hi deficiency in service tia puhin pawisa chawi ve ve turin Judgement a tichhuak ta a ni. He thutlûkna hi thla khat chhunga tihhlawhtlin tûr a ni a. Complaint buaisaihna atana  he nula Fida-i senso rulh nan cheng 5000 dang chawi tel tûrin Consumer Commission chuan a rem (settled) tel ta bawk a ni.
Mi fate hi zawng an huai salh salh khawp mai! Keini Mizote hian ngam ve tak maw le! Hawihhâwm takin kan nê nê  kual  leh mai mai lo’ng maw? tih hi he thu ziaktu ngaih dan zîk tluak tak chu a ni. 
I inven nan leh i him nan Consumer-te Zalenna lei, chhiar rawh.
Consumer right hriatna tizautu atân Pu Lallunghnema buatsaih ‘Consumer-te chanvo hriatna’ Channel chu hawng la, thlir rawh. Thu tak hlawm, thu ho mai mai tel lohna Youtube Channel chu i tân chhawp chhuah a ni e. 
Hei bâkah Runmawi Youtube channel-in Hnêma an interview-na chu kheuh chhuak la, lo thlir ve teh.