Prabhas, Amitabh Bachchan, Deepika Padukone leh Kamal Hassan te channa Kalki 2898 AD chuan khawvel huapin cinema hall ticket hralhna atangin cheng vaibelchhe 1,000 a la lut tling ta a, Indian film zinga hetiang thleng thei pasarihna a ni.
Prabhas hi Indian film hit zet mai ‘Baahubali’ changtupa kha niin, kum sarih liamtaa Baahubali 2: The Conclusion film pawh khan he mel lung pawimawh i a thleng thei a, Indian film zinga cinema hall ticket hralhna atanga sum la lut hnem ber a ni nghe nghe a, Prabhas hian ticket hralhna atanga cheng vaibelche 1,000 la lut tling thei film pahnih a nei ta a ni.
He film hi Nag Ashwin direct niin, June ni 27 khan cinema hall-ah an chhuah tan a, ni 25 chhungin he mellung hi a thleng hman a, Telugu film leh South Indian film zinga hetiang zat ticket hralhna atanga sum la lut thei film pathumna a ni bawk.
Kalki 2898 AD hian an tlangzarh atanga ni 24 chhungin cheng vaibelchhe 990 a la lut hman a, a ni 25-naah cheng vaibelchhe 10 la lut lehin vaibelchhe 1,000 a tlin ta a, India bika a sum lak luh hi vaibelchhe 730 vel niin, India ram pawn atangin cheng vaibelchhe 270 vel a la lut thei bawk.
Kalki hian Sout Indian movie, Hindi tawnga dub zingah Hindi box office a sum la lut tam pathumna a ni a, Prabhas channa tho Baaubali 2 chu South Indian film Hindi box office-a sum la lut nem ber niin, vaibelchhe 511 vel a la lut thei a, ‘KGF: Chapter 2’ chu a dawttu niin, cheng vaibelchhe 435 a la lut thei.
Prabhas hi Shah Rukh Khan leh SS Rajamouli te nen huang khatah awmin, cheng vaibelchhe 1,000 chin cinema hall ticket hralhna atanga sum la lut thei film panih an nei thei an ni a, cheng vaibelchhe 1,000 chin hmu chhuak thei film ngah lamah Deepika Padukone chiah an pha lo, Deepika hi Kalki bakah film dang cheng vaibelchhe 1,000 la lut thei ‘Jawan’ leh ‘Pathaan’-ah a lo inlan tawh bawk a ni.
Kalki 2898 AD-in vbc 1,000 la lut tawh
Get real time updates directly on you device, subscribe now.