Rajya Sabha MP Kapil Sibal chuan AIADMK tena BJP kaihhruai National Democratic Alliance an chhuahsan chungchangah nuihsawhin an thawhpui ten an chhuahsan belh leh avangin tuna la awmte hi chu ‘opportunistic alliance ho ideology nei lote chauh an ni tawh’ tiin a sawi.
Thawhtanni khan BJP te nena kum li lai an thawhdunna titawpin AIADMK te chuan BJP kaihhruai National Democratic Alliance (NDA chu chhuahsanin kum 2024 Lok Sabha poll ah an tangho tawh dawn lo a ni.
BJP te nena thawhona tihtawp hi party high-level meeting party chief Edappadi K. Palaniswami kaihhruaia AIADMK headquarter Chennai-a neihah tihchian a ni a.
Sibal chuan, “AIADMK ten NDA an chhuahsan. An thawhpui ten an chhuahsan leh ta! Tuna la awmpui mekte hi chu opportunistic alliance ho ideology nei lote an ni a. Pawar&Shinde Maharashtra leh North East-ah te chauh a ni tawh” tiin a sawi.
Kapil Sibal hi UPA I leh II a Congress minister niin nikum May thla khan Congress chhuahsan in Samajwadi Party puihna in Independent in Rajya Sabha member atana thlan tlin zui a ni.
Kapil Sibal-an BJP-te nuihsawh zui
Get real time updates directly on you device, subscribe now.
Prev Post
Next Post