Karnataka leh Mizoram minister inkawm

Karnataka leh Mizoram minister inkawm
Mizoram Food, Civil Supplies & Consumers Affairs minister B Lalchhanzova chu Ningani tlai khan Bengaluru-a a thlennaah Karnataka FCS&CA minister KH Muniyappa leh a official-te chuan kalchilhin an inkawm.
Karnataka minister chuan an state-a Mizoram minister lo zin chu a lo lawm tih hrilhin, an department kalphung an sawidun a. NFSA bakah ration card leh public distribution system kalpui dan, procurement chungchang leh thildang chu an an sawiho a. Minister pahnih hi an official ve ve ten an tawiawm a ni.
Karnataka sawrkarin an lo dawnsawn danah a lawm hle tih B Lalchhanzova hian KH Muniyappa hi hrilhin, a tul hunah Bangalore-a Mizo awmte thlavang hauhsak thin turin a ngen.
Ningani zan vek khan minister B Lalchhanzova leh United Theological College-a Mizo awmte leh Bangalore-a Mizo pawl leh kohhran hruaitute nen an inkawm bawk a. Bangalore-a Mizo awmte chu Mizoram hmasawnna atan ngaihtuahna an sen thinnaah lawmthu hrilhin, Mizoram sawrkar leh official-te finchhuah zel turin a sawm. Inkawmnaah hian zawhna awmte chhan a ni a. Bangalore Mizo aiawhte hian an harsatna lo thlenin, minister hian a theih anga a bawhzui sak tur thu a hrilh a ni.