Karnataka mi Hmeichhia Bengaluru-ah vit hlum

Nimin Pathianni khan Hmeichhia kum 37-a upa Karnataka sorkar-a officer hna thawk mek chu Bengaluru-a a chenna inah mi tu tih hriatloh ten an vit hlum.
He thil thleng hi Pathianni zinga thleng niin hmeichhia hi a fapa nena khawsa niin Bengaluru-a Doddakallasandra Kuvempu Nagar hmunah niin building chhawng khatna ah in an luah a ni. India Today sawi danin hmeichhia hi Pratima niin Karnataka sorkar-a Mines and Geology Department-a Deputy Director hna a chelh mek a ni. Pratima hi an awmna inah a mah chauha a awm lai niin misual rual ten kawngka rawn su chhe thutin an vit hlum nghal a, hetih lai hian a pasal chu an khuaah a zin lai tak a nih thu thu dawnna chuan a sawi. “Kum 8 chhung he inah hian a fapa nen an khawsa tawh a ni. He in hi man chawia an luah a ni a, midang reng reng chungah thil pawi engmah a ti ngai lo-in midang nen an inkarah harsatna engmah a awm lo,” tiin an thenawm ami Suresh chuan a sawi a ni.
Senior officer pakhatin a sawi danin hmeichhe unaupa hian Inrinni zan leh Pathianni zingah phone hmanga biak tumin a call-a mahse chhanna a dawn loh avangin amah hmu turin a kal ta a ni. “Amah hmu tura kalin a taksa thi tawh chu a hmu a. Kawngpui atanga luhna a CCTV te chu kan endik vek a ni,” tiin senior officer chuan a sawi a ni. Pratima driver hian Inrinni zan dar 8 vel khan a thlah a, police te chuan amah thattu te hi Pratima chuan a hre chiang hle turah an ngai a ni. Police te chuan he thil thlengah hian thubuai an ziak lut nghal a, tualthattute zawngin hnu chhui hna hi kalpui mek a ni.