Katy Perry leh Canada PM hlui inkar a ri rêt rêt

Katy Perry leh Canada PM hlui inkar a ri rêt rêt
Katy Perry leh Canada Prime Minister hlui Justin Trudeau te chuan zanriah an kil dun tlat mai a, an pahnih hian pawmlai nei lo ve ve an lo ni bawk nen, an inkarah hian ri deuh rêt rêt a awm niin thu a thang chak leh ta hle. Hetianga sapram media lama thu a than tawh hi chuan eng emaw tak a awm a ni duh khawp mai.
Katy Perry hian Lifetimes tour a neih mekah Canada a tlawh mek a, hetah hian Montreal-ah an rama July ni 28 kan Trudeau nen hian zanriah an kil dun ta a ni. TMZ-in footage an neihah chuan an security-te chu an bul hnaia barah an thu hrang a, restaurant chef-in chibai te pawh a rawn buk zuai a, tum khat chu he politician thusawi hi hrechiang lehzual tur niawm takin Katy Perry hian dawhkan lehlam atanga a va kun hnaih deuh bawk.
Canada PM hlui, Justin Trudeau hi a nupui Sophie Gregoire nen August 2023 khan an inthen a, Katy Perry pawh hi a pasal hual, a fanu Daisy, kum li mi pa ni bawk, Orlando Bloom nen an inhualna an titawp ve deuh chiah bawk a, an relationship status-ah ‘single’ tih hmang thei dinhmuna an din ve ve lai a ni.