Kawlbahra lian ber a ni thei ang em?

Kawlbahra chu kan hre vek ang a, i kawlbahra hmuh tawha lian ber eng tiat nge niang? Kg engzat nge ni ang? Washington County a cheng David Anderson-a kawlbahra thar hi a lian khawp mai, pound 186 (kg 84 vel) a rit a ni a, kawlbahra pum khatah chuan a lian ber a nih ngei a rinawm.
David Anderson hian a kawlbahra thar hi witness atan University of Georgia Extension agent Rocky Tanner leh Washington County Sheriff Joel Cochran te hmangin, a kawlbahra cho chhuak lai a hmunah an en pui a ni. Anderson chuan, “Kumin sik leh sa awmdan hi kawlbahra ngeih chi tak a ni,” a ti.
Guinness World Records-in kawlbahra rit bera a puan lai chu 2004-a Manuel Perez Peres, Spain a cheng thar niin, pound 81 leh ounce 9 (kg 37 vel) a rit a ni a, he record hi Anderson-a kawlbahra thar hian a khum chiang hle a, mahse, ani hian Guinness lamah a la tihfel loh avangin official-a puan chu a la ni lo a, Anderson hian a kawlbahra cho chhuak lai leh an buk lai te chu Guinness lamin an endik turin a thawn tawh a ni.