Kawng leh lodge siam ran dan tur sawipui

Tuichang bialtu MLA, deputy government chief whip W Chhuanawma chuan May 1 khan Khawzawl Tourist Lodge, 2nd IR Battalion leh NH-06 (Old Road, Tuisenphai to Chhumliam kawn) a tlawh a. Sawrkar official-te nen hmalakna tur an sawi ho.
Khawzawl Lungvar Venga Tourist Lodge chu a nihna tur anga hman thuai a nih theih nan hmalak tul nia a hriat thu a sawi a. National Highway – 06 (Tuisenphai – Chhumliamkawn) a kawng chhe zual lai chu sawrkar official, NHIDCL leh Balaji Company te nen en hoin, siamthat thuai dan tur sawi a ni.