Kawng siam chungchangah YMA thawhpui \angkaipui

Kawng siam chungchangah PWD leh Central YMA-in thawhhona thuthlung an ziak a, hmun hrang hrangah YMA te’n kawng siam hna an enin an vil thin. YMA te nena thawhhona hi PWD-in a tangkaipui thu PWD minister-in House a hrilh.
August ni 8, 2025-ah khan thawhona thuthlung hi an ziak a, kum thum chhung atana tih a ni.
Lawngtlai West bialtu C Ngunlianchunga zawhna, ziaka chhan chi chhangin PWD minister Vanlalhlana’n YMA te nena thawhho hi PWD-in a tangkaipui tih a sawi a ni.
“Contractor hnathawk tha duh lote vil kawngah a tangkaipui,” tiin PWD-in a tangkaipui dan a sawi a, “Mimal kawngkama cheng harsatna siamte su kian kawngah a tangkaipui,” a ti bawk.
Hmun hrang hrangah YMA te’n an huam chhunga hmasawnna kal mek leh hnathawhah sorkar a hriatpui ve zel thin tiin a sawi a, PWD staff an indaih loh thu sawiin, monitoring leh supervision chungchangah YMA te hian nasa takin PWD an chhawk a, hna a that phah tih a sawi.
“Thawhhona thuthlung avang hian YMA te’n neitu chan an chang thin a, contractor-te harsatna pawh an tih theih chinah nasa takin an pui thin a ni,” a ti bawk.