Kawnghren pali kawltu Beterbiev

Pathianni zing khan boxing a light-heavyweight huangah kawnghren inchuhna inhnek ngaihven hlawh tak a awm a, inhnek hmuhnawm takah Artur Beterbiev chuan harsa takin Dmitry Bivol a hneh. Bivol lakah majority decision hmanga chak hram Beterbiev hi light-heavyweight huangah kawnghren pali kawl kawp thei hmasa ber a ni.
Boxer tha leh huai tak Beterbiev hian a khingpui Bivol lakah bul a tan tha hran lova, round tir lamah hnufual zawk a ni hman. Bul tan tha lo mah se zawi zawiin a insiamtha a, inhnek a tawp meuh chuan hnehna changtu a ni ta daih.
Inhnek a zo va, result puan a nihin endiktu pakhat chuan Beterbiev leh Bivol hi 114-114 in a inhnehtawk tir a. Endiktu pakhatin 115-113 a Beterbiev a chaktir laiin endiktu pakhat chuan 116-112 in Beterbiev hi a chaktir leh bawk a. Majority decision hmanga hnehna changin Artur Beterbiev chuan light-heavyweight huanga kawnghren awm zawng zawng WBC, WBA (Super), IBF leh WBO kawnghren a kawl khawm ta vek a ni.
Kum 2002 hnu lamah light-heavyweight ah undisputed champion an la awm ngai lova, Beterbiev hi undisputed champion leh hmasa ber a nih bakah light-heavyweight huanga kawnghren pali kawl khawm thei hmasa ber a ni bawk. Pathianni zinga a hneh tak Dmitry Bivol kha inhnek a hmachhawn tawh vawi 24-ah a tlawm vawi khatna a ni.