Kawngkam bazar insuan dan tur AMC leh LC-ten sawiho

Kawngkam bazar insuan dan
tur AMC leh LC-ten sawiho
Aizawl Municipal Corporation (AMC) chuan Aizawl khawpui chhunga kawngkam bazar awmna veng local council-te chu Zirtawpni khan kokhawmin, Inrinnia kawngkama thil zawrh chungchang a sawipui a. Aizawl mayor Lalrinenga Sailo chuan a hmanpui.
Aizawl Municipal commissioner Joseph H Lalramsanga chuan Mizoram Legislative Assembly Building bul – Venghlui leh Tuikual South huamchhunga kawngkama thil zuar thinte chu AMC Multi-Complex Tuikual South-a sawn an nih thu leh hmalakna kal mek dan, phal lohna hmuna thu luite laka khauh taka dan kenkawh a nih dawn thute a sawi a. A tahtawlin Aizawl khawpui chhung bazar dang pawh felfai zawka kalpui turin hma lak zel a ni dawn tih sawi a ni.
Local council-ten an vengchhunga kawngkam bazar an kalpui dan an sawi a. Kalpui zel dan tura rawtna an neih pawh sawiin, local council-ten harsatna an neih sawiho a ni bawk. AMC-in local council-te berawn chung zela chak leh mumal zawka hma a laknaah thawhho zel an remti a ni.
Thutkhawmah hian AMC officer dangte bakah Zemabawk, Bawngkawn, Chanmari, Venghlui, Tuikual South, Khatla, Mission Veng, Thakthing leh Kulikawn local council aiawh an tel a ni.