Kawngkama inpho khap dawn
Aizawl Municipal Corporation chuan Treasury Bazar thin leh a chhehvelah kawngkama inpho a khap tawh dawn a. Aizawl veng hrang hrangah pawh a tahtawlin khap chhoh zel a tum.
Treasury Bazar Association-in AMC ruahmanna zawm a, AMC Multi-Complex Tuikual South-ah an vaia an insuan luh tawh dawn avanga an ngen letna angin AMC chuan 2025 March 22 – Inrinni thlengin kawngpui kama inpho a phalsak a. Hmundang atanga Inrinnia inpho thin pawh hemi ni thleng hian inpho phalsak an la ni.
2025 March 22 hnulamah chuan kawngkama inpho hi khap a ni tawh dawn tih AMC commissioner chuan sawiin, thil zuar duh chuan AMC Multi-Complex Tuikual South building-ah insawn a tul tawh dawn tih a sawi. Aizawl veng hrang hranga kawngkama inpho pawh a tahtawlin khap a ni dawn tih a sawi bawk.
AMC hian Treasury Bazar Association chunga lawmthu a sawi bakah Venghlui leh Tuikual South Local Council-in AMC hmalakna kawnga harsatna siam loa an tawiawm avangin an chungah pawh a lawm tih a sawi a ni.
Kawngkama inpho khap dawn
Get real time updates directly on you device, subscribe now.
Next Post