Kawngpuia chetsualna thlentute hremna a nep

Kawngpuia chetsualna thlentute hremna a nep
India ramah lirthei chetsualna tam hle in, thihna tam tak thleng tawh mahse, heng chetsualna thlentute hremna hi a nep hle a, lirthei chetsualna pawh hi a tlem thei lo nia sawi a ni.
Tun hnai khan Times of India chuan an zirchianna tichhuakin, kum sawm kalta (2014-2023) chhung khan kawngpuia chetsualnaah hian mi nuai 15.3 velin nunna an chan phah niin a sawi a, hei hian chhiarpui hnuhnunga Chandigarh mihring cheng zat tluk lo deuhin, Bhubaneswar-a chengte nen erawh a intluk tlang hle niin a sawi. Chutihrualin, kawngpui himna chu thuneitute chuan an ngai pawimawh chuang lo hle, a ti bawk.
Zirchianna atanga ngaihdan thenkhat tarlan a nih danin lirthei chetsualna thlentute hremna chu a nep hle a, tualthah thubuai nen inang tlanga ngaihtuah thin chu nise tun aiin chetsualna pawh a tlem phah an rin thu an sawi.
Hetihlai hian police officer hluite leh dan siamtu thenkhatte chuan he thihna sang tak hian dan khauh zawka kalpuiin emaw, dan siamthat pawh nise, thihna a tih tlem phah dawn lo an ti ve thung.
Sorkar data atanga a lan dan chuan kum sawm kalta chhung khan lirthei leh kawngpui instructure a pung chak hle a, lirthei register zat chu kum 2012-a nuai 15.9 a nih laiin kum 2024-ah chuan nuai 38.3 vel a ni a, kawngpui sei zawng pawh kum 2012 ah kilometer nuai 48.6 atangin kum 2019-ah chuan kilometre nuai 63.3 a ni tawh bawk.
India ram kawngpuia chetsualna avanga thihna hi US, China leh Australia te aiin a sang fal hle a, km 10,000 huamchhungah mi 250 vel thi ziah anga chhut a ni bawk.