Keimahni – lehkhabu tlangzarh

Keimahni – lehkhabu tlangzarh
The Aizawl Post sports regular columnist B. Laltanpuia (|pa Bunghai tia hriat) chuan October ni 25 khan Hotel Regency Conference Hall, Zarkawtah a lehkhabu pahnih puala tlangzarh inkhawm buatsaihin, he hunah hian sports lama mi challang tak tak an tel thahnem hle.
|pa Bunghai hian ‘1984’ leh ‘Kawtthler Khawharthlak’ tih bu hnih a khawrpum chu J. Lalthafamkima (IPS) leh R. Lalnunpuia (MBBA President)-te’n an tlangzarhsak a; H. Lalawmpuia leh Dr. Lalrinsangi Nghinglovate’n lehkhabu an thlirzau ve thung.
Thuziaktute midang tana an hlutna chungchang Isaac L. Ralte chuan sawiin, Pathian hnenah lehkhabu thar pahnih hi a hlan zui bawk.
MBBA General Secretary Zomuanpuia leh ADBBA President Dennis Vanlalmawiate pawhin lehkhabu ro tling tur buatsaih a ni chu lawmawm an tih thu an sawi.
Sports writer hriat hlawh thin Mamuana Y2Goal, Zarkawt BCA Club owner Faki leh ZoBay lama an puipa Mca-te chu Zofate tana an tha thawh hlu a tih em avangin he lehkhabu tlangzarh inkhawmah hian chawimawi an phuzia tarlanna’n |pa Bunghai chuan lehkhabu tlangzarh takte hi a hlan ve nghal bawk.
‘1984’ tih buah hian Mizo hnamin basketball kan buaipui chhoh dan ṭobul te, he game huanga association pathum MBBA, ADBBA leh MWBA thlirna te, club leh player tha falte bakah zirna nena he game inkungkaihna thuk takte chu thurchhuah a ni cheu.
‘Kawtthler Khawharthlak’ tihah hian infiamna huanga mi bik Johny Ngurthansanga chanchin te, zum leh hriam paltlang mi chhel James Vartein zirna hmanga hlawtlinna a chan hnua zirlai harsate tana a luanchhuah da te bakah non fiction lungkuai tak tak bilh tel a ni.
A lehkhabu hi The Book Cafe, Chanmari leh Instagram lama lehkhabu zuar lar tak Mulen Book Store lamah a duh tan ngaihven ran chi a ni ang.
|pa Bunghai hian hun rei tak kalta atang khan The Aizawl Post sports column (Post Sport)-ah hian hniak hnutchhiahin, sports lama Zofate chanchin chhinchhiahtlak tak takte leh news bengvarthlak zet maite a lo chhawpchhuak tawh thin a ni.