Keith Urban-a’n Triple Crown Award dawng dawn
May ni 8-a sem tur 60th Academy of Country Music (ACM) Awards-ah Keith Urban cu award ngaihhlut Triple Crown Award an hlan dawn. He award hi ACM Award history-ah kum 60 chhungin new artist of the year, artist of the year leh entertainer of the year dawng kim vek chunga he award dawng hi mi 11 chiah an la awm a, Keith Urban hi a 12-na tur a ni.
Keith Urban hian 2001 khan new male vacalist dawngin, 2005 leh 2006-ah male vocalist of the year dawngin, 2019-ah entertainer of the year a dawng tawh bawk. Keith Urban hi ACM Awards telecast-ah 2010-a Carrie Underwood hnua he award dawng leh hmasa ber tur a ni. Award hi a tlangpui thuin ACM Honors, August thlaa an neih thinah an pe thin a, nikum pawh khan Lainey Wilson-i’n a dawng a, Award show-ah hian an pe ngai meuh lo a ni.
Keith Urban hi New Zealand a piang, Australia a seilian niin, American ni lo zinga he award dawng hmasa ber a ni dawn a, “Nashville-a khawsa turin khawvel chanve zet kan rawn kal a. Mipa naupang kum sarih mi lek ka nih lai atanga ka lo suangtuah thin kha a ni. Ka chak ber chu hlaphuah a han record ve a, radio a zir tir te a ni a, tunah chuan streming te pawh a ni ta. Tichuan, mi duhzawng leh nalh tihzawng a nih chuan ka live performance an rawn en ang tih te kha a ni a. Chu suangtuahna chu vawiin thlengin a la danglam lo,” a ti.
Keith Urban-a’n Triple Crown Award dawng dawn
Get real time updates directly on you device, subscribe now.
Next Post