Kejriwal-a’n an MLA thar 22-te ko khawm
Delhi-a rorel lai, Aam Aadmi Party (AAP) chu an thuneihna paih thlak a nih tuk, Pathianni khan an party supremo Arvind Kejriwal chuan an MLA thar 22-te chu Ferozshah Road-a a chenna inah ko khawmin mipuite tana thawk ngei turin a chah.
An inkawm zawha thuthar lakhawmtute a kawm zawhah chief minister kal chhuak ta, Atishi, AAP MLA 22 zinga tel chuan an party chuan siam thatna kawnga beitu eptu nih an tum tih a sawi a, saffron party chuan an intiamte an tihlawhtling em tih an vil reng dawn th a sawi.
Kejriwal-a hian an MLA tling tharte hnenah hian mipui rawngbawlsak tur leh an harsatna sutkiansak tura bei turin a chah tih a sawi bawk.
“AAP hian siam thatu eptu nihna kan lantir dawn a, BJP hian an intiam ang ngeiin March 8-ah hmeichhiate hnenah thla tin Rs 2,500 an pe em tih kan en nghal dawn a, a thlawnin electrick unit 300 an pe em tih leh thil dang pawh kan thlithlai reng dawn a ni,” a ti.
MLA-te hian kum 10 liam ta chhunga AAP sorkarin an tih theih, a thlawhna mipuite hnena thil an pek hrang hrangte an pe chhunzawm thei em tih te pawh an vil reng dawn tih a sawi bawk.
Atishi-i hian leader of opposition tur an la tihfel loh thu a sawi a, legislative party meeting an neih hunah an intifel dawn tih a sawi.
Delhi-a Nilainia vote thlak, Inrinnia chhiar takah bial 70 awmah BJP chuan bial 48 lain sorkar an siam dawn a, kum 27 zet hnuah ram khawpui berah rorelna fawng an chelh veleh dawn ta a. AAP hian MLA 22 neiin Congress-in an nei phak lo thung.
Kejriwal-a’n an MLA thar 22-te ko khawm
Get real time updates directly on you device, subscribe now.