Kejriwal bail leh bail loh tichiang ang

Supreme Court judge, Justice Sanjiv Khanna chuan Directorate of Enforcement counsel hnenah Delhi Chief Minister Arvind Kejriwal chu excise policy case chungchangah interim bail a phalsak dawn leh dawn loh May 10-ah a puang ang tiin a hrilh.
“Zirtawpni hian interim order kan tichhuak ang” tiin Justice Khanna, three-judge Special Bench awmna kaihruaitu chuan Additional Solicitor General S.V. Raju hnenah May 9 khan a hrilh a ni.
Two-judge Bench of Justices Khanna leh Dipankar Datta te telna chuan interim bail chungchangah hi May 7 khan an ngaihtuah tawh a, chutih laiin trial judge chuan Kejriwal chu May 20 thlenga a tum ruk nana judicial custody a a awm zui remtihna a pe thung.
Court chuan a hma in Kejriwal chu an pary Aam Aadmi Party (AAP) tana Lok Sabha inthlana campaign tura interim bail a pek mai theih thu a lo sawi lawk tawh a ni.
Chu chu ED te chuan hnial thungin ‘criminal’ politician in vote a zawn chu fundamental right a ni thei lo, ‘aam aadmi tak tak’ tena an neihphak loh tur thil zawk a ni ant i thung.
Mahse Bench chuan Kejriwal chu interim bail a chhuah a nih pawhin official duty a ti tur a ni lo va, file-ah pawh a hming a ziah hnan a rem lo vang a ti thung.
Senior advocate A.M. Singhvi, Kejriwal tana ding chuan chutianga official duty pawh tithei lova siam chu Chief Minister ni lai mek tan chuan a ‘mualphothlak’ lutuk ang tia sawiin excise policy chu tun hmaa hnawl tawh a ni tia sawiin senior lawyer chuan Kejriwal chuan he case a FIR ziahluh a nih hma daihah office a luah tawh tiin a sawi a.
Mahse a hnuah Singhvi chuan Chief Minster chuan bail a chhuah a nih chuan official duty engmah tih a nei lovang tiin a sawi thung a ni.