Kel manto

Eid-al-Adha an ti a, Islamic calendar-ah chuan he Bakrid festival hi June ni 17 (kuminah chuan vawiin) hi a ni a, hemi ni-ah hian kel an talh nasa thin a, kel man pawh a to phah thin hle a ni. He hunpuia talh tur kelpa manto tak tak, a nuaih chuang man te pawh a awm thin a, mahse, khawvela kal manto ber ni a Guinness World Record-in a chhinchhiah chu dollar 82,600 (Rs 69,00,000 vel) man a ni.
He kalpa hi Angora goat an tih ang chi niin, Britain-a an hralh a ni a, record siam khawpa kelpa manto hi 1985 ami kha a ni daih tawh a, tunlai pawisa hlutna nena chhut chuan 1985-a Rs 69,00,000 vel hi tunah chuan cheng vaibelchhia a tling tawh ngei ang.
Angora goat an tih ho hi khawvel kel chi thaa an neih a ni a, heng kel te hi a hmul avangin an vulh ber thin a, mahse, mi tam takin Bakrid a inthawina thil hlan atan an hmang tho a ni. Heng kel hmul an lak hi mohair an ti a, wool quality ta leh chungnung tak a ni a, hei vang hian a kel pawh a to phah le a ni.