Kenya in Adani group nena thawhdunna tur titawp

Kenya in Adani group nena thawhdunna tur titawp
Kenya president William Ruto chuan Indian billionare Gautam Adani nena an ramin thawhdun an tumna leh inbiakna neih an tum chu a thulh a, hei hi tun hnaia Adani lamin thubuai an neih tak vang a ni.
Ningani a state of the nation-a thu a sawinaah Ruto chuan inbiakna neih an tumna zawng zawng chu thuneitute leh chhuichiangtute thutlukna avangin tihtawp vek a nih thu a sawi.
Kar laihawl khan India mi hausa zinga mi Adani hi US prosecutor-te chuan bumna thubuai an siamsak a, US dollar maktaduai 250 chuangah thamna laa puh an nih thu sawi a ni.
Hetih lai hian ram thenkhat chuan engmah an la sawi lo thung a, ram hrang hranga thawhhona neihpui an tumna pawh a tlahniamin, an hnain a tawrh ngei rin a ni a, Kenya hi an inbiak tumna tihtawp thu puang hmasa ber an ni. Hetihlai hian puh an nihnaah hian Adani group lam chuan US prosecutor te sawi chu dawt a nih thu an sawi.