Keral in Supreme Court ah Centre sorkar khing

Kerala chuan Supreme Court-ah Centre khingin federal structure of governance bawhchhiaah leh a finance a inrawlh lui tlatin ‘State tenau te resource beitham tak nei economy nasa taka tichhia’ tiin a sawi.
An khinnaah federal system hnuaiah chuan State chuan a budget leh borrowing te hmangin a finance chu a duh angin a kalpui thei a ni an ti a.
State aiawha ding advocate C.K. Sai chuan tun hnaia Centre chetdan amendments a siam leh executive order a siam te chu Kerala tlakchhamtir tumna a ni a ti bawk.
Kerala chuan Centre-in Net Borrowing Ceiling (NBC) siamin State in source hrang hrang borrowing open market ang te a a neih theih tur a bituksak a ni an ti bawk a. Centre chuan State-owned enterprise tena borrowing an neih a remti lo a ti bawk a. Centre chuan State-in India ram pawna loan a lak pawh a khapsak an ti bawk.
State chuan Fiscal Responsibility and Budget Management Act, 2003 amendment siam chuan State legislate domain a bawhchhia a, ‘Public debt of the State’ chu State List liau liau Constitution Article 246 a Seventh Schedule a awm a ni a ti bawk.
He amendment hian ‘fiscal federalism’ bawhchhiain unconstitutional limits siamin State-in a duha a bata a finance a enkawl theihna turah harsatna a siam a ni, an ti bawk.
Centre chetlak dan chuan Kerala constitutional power a tibuai a, Kerala-in public debt, public account leh Consolidated Fund of the State a neih te manage theihna tur pawh tibuai vekin harsatna a siam a ni an ti bawk.
Kerala chuan Centre thupek chuan State budget kalpui dan turah crisis turu tak a thlen a ti bawk a. Kerala Fiscal Responsibility Act, 2003 in Net Borrowing Ceiling a siam leh State budget behchhana kalpui chu kenkawh a nih loh chuan harsatna nasa tak kan tawk dawn a ni tiin an tarlang bawk.