Kerala CM leh Governor inbeihna nasa zel

Kerala-ah politics thila inbeihna a nasa hle a. Chief Minister Pinariyi Vijayan leh Governor Arif Mohammed Khan te chuan ualau taka inbeihna kalpuiin pakhatin Kollam leh Pakhatin Malppuram ah press conference an nei ve ve.
Kollam-ah Vijayan chuan Kerala sorkar chuan Prime Minister leh President hnenah ‘Khan-an State remna leh muanna tichhe zawnga chetlakna a neih tawh loh nan’ hma la turin an hrilh tur thu a sawi a.
Malppuram-ah Khan thung chuan Kerala sorkar nena an inbeihnaah na tawka kalin ‘Kannur a politics thila tualthahna tam taka mawhphurtu vaunaah ka zam dawn lo’ ngawi mai mai turin ka tlawm dawn lo a ti.
(Mimal taka inbeihna kal zelin Vijayan chuan Khan chu ‘rilru mak tak nei’ tia sawiin ‘Union Minister V. Muraleedharan chauh lo chuan a mil lo’ tia sawi bawkin an pahnihin anti-Kerala a ti bawk.)
Khan chuan kawtthlerah police venhimna tel lovin ka chhuak ang a ti bawk a. “Chief Minister hian SFI (Students’ Federation of India) activists te chu ka hnaiha kal lo turin a ti a. SFI ten min khawih chuan a nghawng thleng tur a hria a ni,” tiin Khan chuan a sawi.
Khan chuan State Police Chief hnenah a security chu hnuklet tura ziak a thlen tawh thu a sawi a. “State law enforcement te hi ram chhungah an tha ber. Mahse, Chief Minister hian police te chu dik leh awn nei miah lova an chetlak a rem ti lo,” tiin a sawi bawk a. Khan chuan police venhimna tel miah lovin bazar ah kalin SFI te chuan an ngam chuan min khawih rawh se a ti bawk.

SC order
Khan chuan Supreme Court-in thupek a chhuaka Kannur University case-a Chancellor nih anga Vice-Chancellor a ruatna a dinchantir chuan State sorkar a tihrilhhai a ni a ti bawk a. Chancellor a nih angin thutiam a lak hmangin varsity a politics inrawlh theihna dan a ngaia university autonomy a vawnhim a ngai a ni a ti bawk a. Vice-Chancellor pawh politics entity tana thawk miah lo tura a hrilh thu a sawi bawk.

Raj Bhavan thuchhuah
Pathianni khan Raj Bhavan chuan Chief Minister-Governor inbeihna kal mek zelah press release tichhuakin Vijayan chu SFI activists te fuihpawrha Calicut University campus a Chancellor tihhmingchhiatna poster tartirah a puh bawk a. “Hetianga Chief Minister chetlakna hi Constitutional machinery tihchhiat tumna a ni” a ti bawk.
Left Democratic Front (LDF) convener E.P. Jayarajan chuan hetinga Governor atanga invauna hian lantir a neih chuan Governor chuan Article 356 hnuaiah State emergency tiin President rule puang turin a nawr thei tiin hei vang hian Khan chu Governor a nihna hlihsak turin a ti ve thung.

CM tanna
SFI te chuan Kerala college campus tinah lungawilohna an lantir mek thung a, a chhan ber pawh Governor in Senates of State-funded varsitites ah te Sangh Privar nominee a ruat an duh loh vang a ni. Vijayan an Khan an zirlaite criminal a ti leh ‘Kannur bloody’ tia a sawi chu a duh lohzia a sawi lang a.
Vijayan chuan Khan chu buaina chawhchhuah tum tia sawiin chu mai bakah Kerala higher education sector saffronise tumah a puh bawk a. “Kerala hi State ralmuang a ni a. Khan hian public peace chu a chet duhdan vangin buaina siam a tum a ni. Centre hian a tih loh tur a tih loh nan an hrilh tur a ni a, a duh dan danin a awm an remti tur a ni lo” tiin Vijayan chuan a sawi bawk.
Khan-an Kannur a diriam hian he district RSS tena an huatna a pholang a ni tiin Vijayan chuan a sawi bawk a.
RSS te chuan kum 1970 chho vel khan Kerala-ah Hindu majoritarian mindset tuh an tumna lamah Thalassery ah communa riot tihchhuah an tum chu CPI(M) ten an titawp a ni, a ti a. “Khan hian Kerala-a Left progressive history movement a hre hauh lo,” tiin a sawi bawk a. RSS te hian secular Kerala an huatna lantir nan Governor office hi remchangah an hmang a ni a ti bawk.