Kerala state ‘Keralam’ tia thlak turin ti

Kerala State Legislative Assembly chuan lungrual takin ‘Kerala’ state hming ‘Keralam’ tia thlak ni se tiin resolution an pawm fel.
Assembly chuan constitution a ‘Kerala’ state intihna chu amend ni se tiin an ngen zui bawk a.
Chief Minister Pinarayi Vijayan chuan Legislative Assembly-a Rule 118 of the Rules of Procedure and Conduct of Business hnuaiah a pharh a.
Malayam-ah chuan ‘Keralam’ tih chu hriat dan leh pawm dan tlanglawn a nih laiin official record ah chuan ‘Kerala’ tih a ni a, a bikin English-ah a ni zual a ni. Constitution First Schedule pawhin State hming chu ‘Kerala’ a ti bawk a.
“Kan State hming hi Malayam chuan ‘Keralam’ tih a ni a. State hi linguistic basis in November 1, 1956 khan siam that a ni a. November 1 ah ‘Keralappiravi’ pawh lawm thin a ni a. Malayam tawng hmang te insuihkhawma united Keralam siam chu zalenna sual lai atanga ngiat tawh a ni. Mahse, First Schedule of the Constitution chuan State hming chu ‘Kerala’ a ti a. Hmanhmawh takin Article 3 of the Constitution hnuaiah ‘Keralam’ tia thlak a ngai a ni” tiin resolution chuan a tarlang a.
Article 3 hi State thar leh areas mai bakah boundary te chingfeltu a ni a. Hei bakah hian resolution chuan Central sorkar chu tawng hrang hrang Eight Schedule hnuaia awmah te ‘Keralam’ tia thlak leh hmang turin a ti bawk.