Kerela-ah ruahsur tam dawn, invenna tur tichhuak
India Meteorological Department (IMD) chuan ningani atang khan Kerela state chhung chu ruahsur nasa turin a tarlang a, an state chhunga district pali huamchhungah a sur tam zual theih thu a tarlang bawk.
An thenawm state Tamil Nadu ang bawkin Kerela hian tunhnaiah ruahtui a dawng tam hle a, ruahsur nasa avangin inkalpawhna kawngah harsatna tam tak an tawk bawk a ni.
An state chhung district pariatte chu yellow alert-ah dahin, a dang district palite chu hmun dang aia ruahtui dawng nasa turin a tarlang a, hemi a nih avang hian state sorkar pawhin mipuite fimkhur tur leh mahni in leh a vel chhuahsan lo turin a ngen nasa hle.
IMD tarlanin Kerela hian tunkar tawp chhung hian ruahtui thahnem tak a dawng dawn a, hemi a nih avang hian sorkar pawhin an thenawm Tamil Nadu ang bawka fimkhurna tichhuakin, harsatna leh chhiatna thleng palh thulha biak pawhna tur an tarlang nasa hle a ni.
Tun hnaiah ramchhung chhim lam hmun hrang hrangah hian ruahtui a tla nasa hle a, chhiatna hrang hrang thleng tawhin, Tamil Nadu phei chuan zirna in zawng zawng an lo khar tawh bakah, chhiatna thlenga che chhuak nghal tur team a ruahman nasain, beihpui an thlak reng bawk.
Kerela-ah ruahsur tam dawn, invenna tur tichhuak
Get real time updates directly on you device, subscribe now.