Kg 18 ak chunga km 50 tlan thleng rang thei record siam

Kg 18 ak chunga km 50 tlan thleng rang thei record siam
Fitness coach Jesal Trivedi, kum 47, chuan pound 40 (kg 18.100g vel) a rit ak chungin, darkar 8 le minute 50 chhungin km 50 a thui a tlan thleng hman a, Guinness World Record a siam. He record hi kumin January ni 12 a siam kha niin, niminpiah khan Guinness aTangin a record siam pawmpuina a dawng ta a ni.
Trivedi chuan marathon hi fitness leh taksa tawrhchhelna tehna piahlamah, kum upa zawk te dahhniam mai theih an ni bik lo tih lantirna niin a sawi a, a record siam hi tumruhna leh strength training taima taka a kalpui Thin rah a nih thu a sawi bawk.
Trivedi hi Gujarat state heavyweight boxing champion te pawh a lo ni tawh a, mahse, a dar a tihhliam hnuah boxing chawlhsanin fitness coach a ni ta a, kum 10 chuang chu gym a kal Thinte exercise lak dan leh taksa tihchhel leh tha tifei tura exercise la Thin te kalkawp tir dan a ngaihtuah Thin niin a sawi a, “Intihchak tum leh fei tura exercise lak hi pawisa hmai lehlam lehlam ang a ni a, kalkawp tir theih a ni,” a ti.