Kum 2030 hi Fifa World Cup kum 100 na a ni dawn a. World Cup centenary hi kum danga tih dan ngai lohin khawmual pathum a, ram parukin an inthlen tawm dawn.
World Cup thlengtu hmasa ber Uruguay chuan World Cup kum 100 na hi thlen ngei an duh a. Argentina leh Paraguay te nen inthlen tawm an dil. South America ram pathumin thlen an dil rualin Europe khawmuala mi Spain leh Portugal in an dil ve bawk. Spain leh Portugal hi South Africa khawmuala mi Morocco in an fin a, thlen an dil thar ve leh bawk. WC 2030 thlen dil pahnih, ram pathum ve ve te hi Fifa chuan buk kher lovin, a dil zawng zawngin thleng mai turin thutlukna an siam.
WC 2030 a inkhel tir lam hi South America khawmual ami Uruguay, Argentina leh Paraguay ten an thleng ang a. Inkhel tam zawk hi Spain, Portugal leh Morocco ten an thleng thung ang. WC 2030 ah hian ram 48 ten inelna an hmachhawn ang.
Fifa chuan WC 2030 thleng turin khawmual pathum, ram parukte a tichiang tawh a, an thutlukna hi Fifa conference 2024 ah nemngheh a ni ang.
WC 2030 thleng tur tihchian a nih rual hian WC 2034 thleng dil pahnih: Asian Football Confederation leh Oceania Football Confederation a?angin an awm tih an tichiang nghal bawk. Ram hausa Saudi Arabia chuan World Cup 2034 hi thlen tumin hma a la mek a, thlen ngei pawh a tum hle.
Tarlan tawh angin Fifa world Cup hmasa ber hi Uruguay khawpui Montevideo ah khelh a ni a, he khawpuiah ngei hian World Cup centenary khuh hawnna neih a ni ang.
Khawmual pathumah WC 2030
Get real time updates directly on you device, subscribe now.
Prev Post
Next Post