Khawmuala ramsa dam rei ber satel Jonathan

Satel pakhat, a hminga Jonathan an tih chu kum 191 a tling ta a, khawmuala ramsa awm thei zinga damrei ber record a siam. Jonathan hi a kum dik tak a chiang lo a, mahse, Guinness World Records chuan Jonathan hi Seychelles thliarkar atanga 1882-a an laksawn khan a tlem berah pawh kum 50 ni tawh turin an chhut a ni.
Jonathan hi tunah chuan a tar ve tawh hle a, a rim hriatna a hloh tawh a, a khawhmuh pawh cataract avangin a mit a del a ni deuh ber tawh a, chuti chungin a chaw ei erawh a la tui reng niin a enkawltu te chuan an sawi a, theirah leh thlai hnah te kutin an pe thin a ni.