Khawvel lum zel karah inthurual thei lo

Kan chenna khawvel lum lam 1.50degrees Celsius (2.7 Fahrenheit) aia san belh lohva dah tumna chu ban phakah a awm tawh lo tiin climate expert te chuan sawiin lei leh tuipuiah record-breaking heat a thleng reng chungin khawvel ram ten inthuruala hmalakna tak tak an nei thei chuang lo an ti.
Kumin November thlaa annual climate talks neihna tura sawiho tur duangin June thla tir lam khan Bonn khawpuiah envoy ho an pungkhawm a, kuminah ni tam tak chhung chu average global surface air temperature chuan pre-industrial level hma 1.50C a khum tawh tiin EU-funded Copernicus Climate Change Service (C3S) te chuan an sawi a.
A hma pawhin mean temperature chuan 1.50C chu a khum zauh zauh a awm tawh chungin kumin erawh June 1 atanga intan northern hemisphere summer ah tum khat an pelhna a ni a. Sea temperature pawhin April leh May khan record an khum tawh bawk.
“Inthlak danglam turin hun a ngai ang bawkin hun kan nei ta lo,” tiin Sarah perkins-Kirkpatrick, climatologist, Australia’s University of New South Wales chuan a sawi a.
Thla thar hian khawvela greenhouse gases pechhuak hnem ber ram pahnih envoy te chuan Chinese capital Beijing-ah inhmuhna an nei dawn a. Chutih lai chuan United States pawh extreme heatwaves in a nuai chamchi bawk a.
Tun hnaiah North America hmun tam tak chu kum dang aiin 10C velin a lum a. Ram ngaw kangin Canada leh US East Coast te chu khuhin meikhu turu tak te chuan carbon emission record 160 million metric tons a pechhuak a ni.
India ram climate vulnerable region tia sawiah pawh kuminah temperature sang avanga nunna chan an tam a. Spain, Iran leh Vietnam ah te pawh extreme heat turu tak thlengin nikuma summer rapthlak zet kha a thlen nawn hlauhna a lian hle.
Kum 2015 khan khawvel ram te chuan Paris khawpuiah khawvel long-term average temperature chu 1.50C a pelh loh nan hmalak an rem ti a, mahse hei hi tun ang renga thil a kal a nih chuan tun atanga kum 2027 inkar chhungin pelh theihna 66% vel a awm tawh tiin World Meteorological Organization te chuan May thla khan an lo sawi lawk tawh a ni.
High land temperature a san ang bawkin sea temperature pawh a sang a, El Nino leh thil dang dang ten lum an tizual bawk a.
Global average sea temperature chu March thla tawp lam khan 210C a kai hial a, Australia weather agency te chuan pacific leh Indian Ocean sea temperatue te chu October thlaah normal aiin 30C velin a san an rin thu an sawi bawk.
Global warming chu a chhan ber a ni tiin Piers Forster, professor of climate physics, University of Leeds chuan a sawi a. Hei bakah hain El Nino, Saharan dust tuipui chunga thaw thin tlem te leh low-sulphur shipping fuel hman nasat te pawh a chhan ni theiah a sawi a. “Tuipui te an lum zual zel a ni,” tiin a sawi bawk.
Tuipui lumin a thlen algal bloom avangin texan beach-ah sangha thi sang tel teh meuh lenchhuahin a awm a, hei bakah hian California-ah pawh sea lion leh dolphin te an thi teuh bawk.
Tuipui lum chuan thli leh ruah a titlem dawn a, chu chuan lum nasa zawk a thlen ngei dawn, tiin Annalisa Bracco, climatologist, Georgia Institute of technology chuan a sawi a.
Kumina sea temperature sang chu thil hrang hrang intawkkhawmin a siam a ni, a ti a. “Tuipui hian lumna zawi muangin a la a, rei tak a kawl dawn bawk,” tiin a sawi.
Climate experts te chuan extreme weather chu a nasa tial tial tia sawi bawkin kuminah pawh hmun tam takah khawkheng a thleng dawn a, chubakah thil thleng khat tak Africa-ah pawh cyclone a thleng thei an ti.
Bonn khawpuia inhmuh-khawmnah khan Worldwide Fund for Nature te chuan climate talks neihah hmasawnna hmuh tur a tlem an ti a, COP28 November thlaa neih hmain fossil fuel leh finance lamah hmalakna chhinchhiahtlak a awm rih lo an ti bawk.
Climate chungchangah United States leh China te chuan karleh lam hian inbiakna an chhunzawm dawn a. US climate envoy John Kerry chuan Beijing a tlawh dawn a, mahse, climate negotiation a thlen phah beiseina a sang lo hle thung.
Khawvel temperature sang zel tur venna leh pre-industrial level 1.50C aia a san loh nana hmalakna kawngah khawvel ram hrang hrang te chu an inlungrual hleithei meuh lo va, a thu a sawi chu a taka bawhzuina lamah an kalpui chak duh tawk lo tia inpuhna pawh awm mek reng a ni.