Khawvela lu buk ber

Khawvela lu buk ber
Afro an ti mai a, lu kir puk deuh luih ang chi hi a ni mai, hetiang afro lian ber (khawvela lu buk ber a ni mai ang chu) record thar a awm tlat. Guinness World Records chuan USA a cheng, Jessica “Jess” L. Martinez chu khawvela mihring damlai zinga lu buk berah a puang.
A hmaa he record siamtu chu USA a cheng tho, Aevin Dugas niin, ani hian kum 15 chhung tehmeuh he title hi a lo kawl tawh a, tunah chuan amah aia lu buk zawk hnenah title hi a hlan ta a ni.
Jess-i sam hi a puk tha leih lawih khawp mai a, a sam puk san zawng hi 29 cm (inces 11.42) niin, a laia hawlhtlangin cm 31 (inches 12.2) a ni a, a tehkualin 190 cm (feet 6 leh inches 2.87) a ni. Aevin-i record hi a puk san zawng 25 cm (inches 9.84), a hlai zawng 26 cm (inches 10.24) leh tehkualin 165cm (feet 5.41) a ni ve thung. Aevin hian 2010 atang khan he record title hi a kawl char char a, tunah chuan Jess hian a rawn khum ta a ni.
Jess chuan a sam a pawh ngil hnuhnung ber chu 2014 kha niin a sawi a, “College ka luh tan tirh lai a ni a, ka sam ka tingil a, darthlalangah ka an inen chu hmeichhe naupang kum 12 mi vel ka ang berin ka hria a. A keimah lo em mai a, khata tang kha chuan ka tingil leh ngai ta lo,” a ti.