Khawvela thirsakawr sang ber

Kum nga liamta khan France-ah thian pahnih, pub-a zu no dawm dun te chu an titi a kal tawh hle mai a, thirsakawr khalh ve tak tak theih ni si, khawvela sang ber siam tumin an inchawi ta a. Harhfim vak lo chunga inchophur vel mah ni se an ti mai mai bik lo, tunah chuan Guinness World Record an siam ta.
Nicolas Barrioz leh David Peyrou te chuan tirsakawr lian leh sang zet mai ‘Starbike’ an tih chu an siam chhuak ta ruau mai a, metre 7.77 (feet 25 leh inches 5) a sang niin, a hmaa hetiang record siamtu thirsakawr sang chu feet 1 leh inches 2-in a rawn khum ta a ni.
Thirsakawr pangngai ang thoin a thutna (saddle) leh tirsakawr pangngai ke ang a nei a, handlebar-ah brake lever pahnih a nei bawk. Engkima thirsakawr pangngai ang chiah a ni a, a danglamna chu a frame a lian bik em em mai a ni, a pedal pawh a ke hnunglama metre 16 (feet 53) a sei chain nen an thlun zawm bawk. He thirsakawr tyre hi Michelin lamah a thlawnin an siam sak a ni.
Guinness World Record siam tur chuan he tirsakawr hi a khalh theih ngei tur a ni a, David hian tuma puihna tel lovin metre 100 a thui a khalh kual ta vel a, a thirsakawr balance siamna tur hmanraw dang eng emaw hman belh pawh a awm chuang lo.
Anni thian dun hi an tui ta laklawh a ni ngei ang, tunah hian thirsakawr khalh ve tak tak theih si zinga tê ber siam an tum leh ta. Tuna hetiang record dinglai chu 8.4 cm (inches 3.31) a sang a ni ve thung.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More