Khawzawl CMO building H&FW kutah hlan theih hnai

Chief Medical Officer (CMO) office building Khawzawl chu sak zawh a nih hnuah tun atanga hun reiloteah Health & Family Welfare department kutah hlan a ni dawn.
CMO building Khawzawl sak chungchangah Mizoram Health Systems Strengthening Project (MHSSP) project director-in a hriattir angin stakeholder consultation meeting chu Zirtawpni khan neih a ni a. MHSSP social consultant Dr Laltanpuia Chhangte chuan kaihruaiin District Hospital Khawzawl senior medical officer Dr Albert Lalhminghlua chuan MHSSP hnuaia hmalakna sawiin, hospital-in hma a sawn phah tih a sawi.
Report danin, Khawzawl CMO building hi sak zawh a ni tawh a, hun reilote-ah Health department kuta hlan tum a ni. MHSS hnuaia construction activity hrang hrangah environment leh social ngaihpawimawh thin a ni a, harsatna thleng thei laka inven lawk a nih theihnan uluk taka duan thin a ni. Plan ang niloa sak leh siam a awm chuan thiahtirin, plan ang chiahin an siamthat tir leh thin tih sawi a ni.
Stakeholder consultation meeting-ah hian Health department thawktute bakah sawrkar department aiawhte, NGO aiawh leh MJA aiawh an tel a ni.