Khela balloon nek puakin record siam

Khela balloon nek puakin record siam
Guinness World Records a mikual lo tak, tum khata record title kawl tam thei ber record siam mektu David Rush chuan record a siam leh ta. Tun tumah hian record a lo siampui fo tawh, a thianpa Jonathan ‘Hollywood’ Hannon nen bawk record an siam dun leh a, mi pahnih an taksa inkara balloon dah a, balloon nek puak rang thei ber record an siam.
Dawhkanah balloon hampuar sa an dah khawm a, dawhkanah bulah, taksa insiin an ding dun a, chutah an khel ve ve inkarah balloon dahin an nek puak ta zel a, second 7.5 chhungin balloon 10 an nek puak hman a, record an siam ta a ni.
Hetiang record hi a hma pawhin an pahnih hian an lo siam tawh a, an record hmasa ber chu second 17-a balloon 10 nek puah niin, chumi hnuah second 15-ah an tithei leh a, mahse, he an record hi Colton Sheperd leh Cameron Severson ten second 11 chhunga balloon 10 nek puak theiin an rawn khum a, tunah Rush te thian dun hian record thar an rawn siam leh ta a ni.
David Rush hian Guinness World Records 300 chuang a siam tawh a, tunah chuan record title 181 a kawl mek a, tum khata record title kawl hnem ber record a siam tawh bawk a ni.