Khelmuala Nadal let hun tur hriat theih ta…

Tennis world number one hlui Rafael Nadal chu hliam avangin khelmualah hmuh tur a awm hlei thei ta lo a, tunlai hian training tan chho leh tawhin, karliamta Zirtawpni khan inelna a hmachhawn leh hun tur a sawichiang thei ta a, kum thar January thla hian Australian Open inbuatsaihna Brisbane International warm up event-ah chhuah a tum thu a nemnghet.
Grand Slam singles title 22 la tling tawh Spaniard hian khel bawr nain a tihbuai chunga kumin Australian Open second round-a a paltlang zawh loh hnu khan competitive match a la khel leh ta lo vang vang a, tunhnaia social media post a siamah Nadal chuan, “Kum khat zet inelna ka hmachhawn loh hnuin kir hun a herchhuak leh dawn ta. January thla chawlhkar hma-saberah hian Brisbane-ah kan inhmu dawn nia,” a ti.
Nadal hian vawikhat tal French Open khelh leh a chak thu leh nakkum Paris Olympic-ah hian ram tana inlan a duh thu a lo sawichhuak tawh a, ti chuan, a career-a a season 23-na hmanga tennis inelna chawlh-san ve tawh a tum.