Khuarel chhiatna thlen dan NDMA mithiamten enfiah

Sawrkar laipui atanga NDMA (National Disaster Management Authority) Technical Expert Group lokalte chuan Thawhlehni khan Disaster Management & Rehabilitation minister K Sapdanga an hmu.
NDMA expert team hi senior consultant pahnih Brig. Ravinder Gurung ((ME & IRS), Dipali Jindal (Landslide & Avalanche) leh UFRMP, Mitigation Division project associate Antony Joh Moothedan te an ni a. An cham chhung hian Cyclone Remal avang leh tunhnaia khuarel chhiatna thlenna hmun hrang hrang an tlawh dawn a ni.
Minister chuan NDMA expert-te hnenah Mizoramin tunhnaia chhiatna a tawh dan hrang hrang a lo hrilhfiah a. Central atanga sum leh pai bakah technical support tel loa hma lak harsatna te a sawi bawk.
NDMA mithiamte hian chhiatrupna a lo thlena tlawmngai pawl leh khua leh tuite tanhona chu India ram chhungah pawh a tluk awm lo hial nia an hmuh thu an sawi a ni.
Expert Group hi August 2 hian Delhi lamah an haw leh ang.